غـدار دمـوعـك

-

لا ....لا.....لا....لالالالالالالا

لا    تنبش    الماضى     البعيد    الم    تكن      يوما    لقلبى     واقعا   

مجهـــــــولا

لا    تنكأى الجرح    القديم     فاننى    و دعت     ليلا    مظلما و ثقيلا

وحملت    روحى    فى  فواد    ناذف   ما  زال   يحمل    نصفه     مشلولا

وخلعت اثواب الحداد اما كفى اذ صار قلبك فى الهوى ضليلا

............................

غدار    دموعك    ما    تفيد    فى   زول   حواسو   اتحجرت

جرب معاك     كل   السبل   وايديهو    ليك    ما     قصرت

حطمت   فى   قلبو   الامل    كل   الامانى    اتخدرت

وكلماتو   ليك   ضاعت  عبس   لا   قدمت   لا   اخرت

......................

ما كنا وكت الليل يضيع وتشرد نجومو وتنكتم

ويطل شعاع يكشف قناع والظلمة ترحل وتنهدم

وجفونا من طول السهر تلبس وشاح حرقة والم

نستبشر اليوم الجديد ونقول تعود انت العشم

كيف العشم وكتين يموت والغصة تطعن فى الحلق

كيف الحنين وكتين يهز لزول بعيد ما بتلحق

كيف الرجوع لزول قنع شايل رفاه قلبو الحرق

سيب الندم وانسى الدموع ما فات زمان ما بيستحق

................................

غدار دموعك ما بتفيد فى ظلمة ما بتعرف شعاع

اشباحا زى موج العدم    كسر    المجاديف   والقلاع

ونزلنا فى طوف الفشل وابحرنا فى بحر الضياع

ونسينا ذكرات الزمان عشناها فى زيف القناع