سـمحة وسمــــرية

محمد طه القدال

سمحة وسمرية

محبوبتى ولفتاتا غزالة

خضرة ومسقية

وجنب النيل مشتولة النالة

بهواك يا بنيـّـة كتبتو قصيد

وبقولو مقالة

بتفتحى فيـّـا معانى غناى

تديلا مجالا

*****

زهرة وبرية

بشوق الأرض عيونا كُحالة

تريانة ندية

بعرق الناس

والناس فى بالا

يا خوفا علىّ عقل وثبات

ماها الولوالة

*****

من فرحى البيا

قلعت الخوف وكستنى بسالة

قت ليها النية متين نتلم

والحال بطالة

قالت لى غنية وإنت معاى

مستورة الحالة

بت سودانية

محبوبتى ولفتاتا غزالة